Archdiocese of Cebu mohatag og P1 milyones nga tabang sa Luzon

CEBU, Philippines — Ang Archdiocese of Cebu pinaagi sa Cebu Caritas Inc. motunol og tabang ngadto sa mga apektado sa bagyong Kristine sa Luzon.

Kini ang gibutyag ni Padre Alex Cola, presidente sa Cebu Caritas Inc. nga nahinabi sa Banat News/DyRF1215.

Matud ni Cola nga nauyonan nga P1 milyon ang ilang itunol nga ayuda ngadto sa walo ka archdiocese ug diocese nga apektado sa bagyo.

Gipadayag ni Cola nga ang maong financial assistance bahin-bahinon kini diin upat niini ka dapit ang tag P150 mil nga grabeng naapektahan ug ang uban tag P100 mil.

Sayo pa, si Archbishop Jose Palma sa Archdiocese of Cebu nipagawas og circular nga mopahigayon ug second collection ang simbahan alang sa mga biktima sa bagyo ngadto sa Luzon.

Ang maong second collection gisugdan niadtong Nobiyembre 3, 2024. — /BDB (BANAT NEWS)