Mga bora-bora gipaligsan

MANILA, Philippines —  Moabot sa dul-an 300 ka mga improvised mufflers o bora-bora ang gipaligsan og pison sa kapulisan sa Tagbilaran City Police Station sa Bohol Police Provincial Office niadtong Biyernes sa buntag, Disyembre 6, 2024.

Nasayran nga niabot sa 276 ka mga improvised mufflers nga nasakmit sa kapulisan sa Tagbilaran City Police Staetion atol sa ilang mga checkpoint operations ug Oplan Sita sa milabay nga lima ka buwan ubos sa pamunoan sa ilang hepe nga si Police Lieutenant Colonel John Kareen Escober.

Ang mga maong mga tambutso nga saba kaayo ug nakalapas sa environmental ug noise ordinances sa Dakbayan sa Tagbilaran. Aron dili na mapahimuslan o gamiton sa uban, gipaligsan kini gamit ang pison sa siyudad.

“This act rendered the mufflers permanently unusable and symbolized the city's firm resolve against violations of environmental and noise ordinances,” tipik sa gipagawas nga pamahayag sa Tagbilaran City Police Station. Ang kagamhanan sa Tagbilaran City sa ilang bahin midayeg sa kapulisan ingon man sa community leaders nga nagkahiusa alang mas malambuon nga Tagbilaran. Napakita sa maong kalihukan ang panaghiusa sa local government unit, Barangay Leaders ug law enforcement ubos sa programa OPLAN LIMPYO Tagbilaran nga padayon nitubag sa critical concerns sama sa noise pollution ug public safety.

Ang maong kalihukan kabahin sa mas lapad nga kampanya alang sa pagdisiplina sa mga motorista ug pagsiguro sa proper disposal sa mga nakompiskar nga mga item ingon man paghatag og importansiya sa pagmentinar sa kahapsay ug kalinaw sa siyudad.

“As the steamroller crushed the mufflers into scrap, the message was loud and clear: Tagbilaran City will not tolerate activities that disrupt the peace and well-being of its residents,” dugang pamahayag sa Tagbilaran City Police Station.