DILG-7 direktor gipa-ombudsman

CEBU, Philippines —  Gipasakaan og reklamo ngadto sa Office of the Ombudsman si Department of Interior and Local Government-VII’s Regional Director Leocadio Trovela tungod sa matud pa grave misconduct and dishonesty kabahin sa pag-instalar niya kang Mayor Raymond Garcia niadtong bulan sa Oktubre.

Si Atty. Mikel Rama, kinamaguwangang anak ni dismissed mayor Michael “Mike” Rama maoy niduso sa maong reklamo batok ni Trovela nga “grave misconduct, dishonesty, other frauds under Article 214 in relation to Article 318 of the Revised Penal Code, Refusal to discharge elective office under article 234 of the Revised Penal code, ug Abandonment of Office sa Revised Penal Code.

Ang batan-ong Rama miingon nga ang iyang amahan mobalik na unta sa iyang trabaho isip mayor sa siyudad niadtong Nobiyembre 6,2024 kay nahuman na ang unom ka buwan niining preventive suspension.

Apan niadtong Oktobre 10, 2024, si Trovela matud pa sa reklamo, “without authority, much less legal basis, to do so, officiated the oath taking ceremony of Vice Mayor Raymond Alvin N. Garcia(“Vice Mayor Garcia"), purportedly as Mayor of the City of Cebu, to the prejudice of the public and deception of the electorate” matud pa sa reklamo.

Gipahimug-atan sa reklamo nga dili ang Ombudsman maoy direktang nimando o nagsugo sa DILG aron iimplimentar ang desisyon sa pagtaktak kang Rama isip mayor sa Cebu City.

Si Rama gitaktak sa serbisyo ug gidid-an na makahupot og posisyon sa gobiyerno tungod sa kasong nepotismo nga padayon niyang gihimakak nga walay kamatuoran.

Gihatagan sab og gibug-aton ni Rama ang pamahayag ni Trovela nga nag-ingon:  “Wala na talagang hadlang. Siya (Garcia) na talaga ang dapat mag-assume. Hindi na siya acting mayor this time. " Si Trovela matud pa sa complaint nibuhi og pamahayag nga:“regardless of the legal remedies that Rama is undertaking, as far as their office is concerned, they have served the recent Office of the Ombudsman order. "'

Giklaro sa kampo ni Rama sa papel sa DILG’s Central Office bahin niini kay ang legal department sa maong departamento gikataho nga wala silay nadawat nga direktiba gikan sa Ombudsman nga ipatuman ang desisyon batok kang Rama.

“We regret to inform you that we are unable to accede to your request as this Department is not privy to the implementation of the said decision,” tipik sa matud pa tubag sa DILG.

Ang otorisasyon sa departmento nga iimplimentar ang matud pa desisyon sa Ombudsman kun duna kini direktang kamandoan subay sa Section 7,Rule III of Ombudsman Rules of Procedura in relation to Memorandum Circular No.1, series of 2006 dated 11 April2006, matud pang Rama.

“Indeed, there is nothing in the Decision, copies of which I found circulated in social media, indicating that the DILG was already ordered by the Ombudsman to implement the Decision,” puno pa sa reklamo.

Apan bisan pa niini, si Rama miingon, nga si Trovela nideklarar nga ang posisyon sa City Mayor sa siyudad nga kini bakante ug ilegal nga gipahurar si Garcia.

“Previous case law instructs that a memorandum from the DILG serves as a writ of execution to implement the Ombudsman’s decisions. 'Such memorandum, in turn, can only lie as a matter of course if the Ombudsman clearly directs the DILG to immediately implement such decision,” dugang pang Rama.

Daghang mga kaso nga gihimong sanglitanan ni Atty. Mikel sama sa nahitabo kang Governor Gwendolyn Garcia dihang ang Ombudsman klaro kaayong nimando sa DILG nga ipatuman ang dismissal order sa opisyal nga nalambigit ug moduso og report sud sa napulo ka adlaw gikan sa pagkadawat sa desisyon.

Sa kaso ni Rama,  ang iyang anak miingon nga nikatap nga "Order of Implementation" nagmando lang sa direkta sa Deputy Ombudsman for the Visayas ug dili sa DILG nga ipatuman ang desisyon.

 “His role was merely to verify the implementation of any decision from the Ombudsman concerning Mayor Rama - something which he even failed to do until now,” dugang pa sa reklamo.

Matud pa niya ang maong desisyon gikan sa Office of the Ombudsman nga nadawat sa Cebu City Human Resource Division niadtong Oktobre 3, 2024,  nga gipasa ngadto kang Mayor Rama ug iyang legal counsel niadtong Oktobre 5, 2024 maisip nga “is factually false.”

“What was provided to the legal counsel was merely a plain photocopy of the purported Decision, which does not constitute the formal implementation of the Ombudsman's Decision.