Performance hall sa School for the Arts sa Mandaue magamit na

CEBU, Philippines — Hingpit na gayod nga nakabaton og luna ang kabataan nga nagtungha sa Mandaue City School for the Arts sa Barangay Tawason nga ilang mapalambo ang mga talento human ma turn over ang bag-ong performance hall sa tunghaan.

Ang bag-o lang nga gi-renovate nga pasilidad maoy magsilbing venue sa mga tinun-an sa Mandaue City School for the Arts alang sa ilang kalihukan sa pagkanta, pagsayaw o pagbansay sa paggamit sa nagkadaiyang instrumento sa natad sa musika ug uban pa.

Kini gihimo sa kagamhanan sa siyudad sa Mandaue tungod kay ilang nakita ang kamahinungdanon sa maong pasilidad sa mga nagtunghang kabataan.

Si Mayor Glenn Bercede, ang nangulo sa formal turn-over sa maong bag-ong pasilidad ug gitambongan usab sa pipila ka sakop sa konseho.  —/MEL (BANAT NEWS)