Rule of law angay mopatigbabaw-Garcia

CEBU, Philippines — Taliwala sa national investigation sa war on drugs, si Cebu City Mayor Raymond Alvin Garcia miingon nga kinahanglang mopatigbabaw ang "rule of law" apan kinahanglang palig-onon pa ang suporta sa law enforcement agencies.

Mao ni ang baruganan ni Garcia dihang gipangutana kun unsa iyang "style” sa iyang administrasyon batok ilegal nga drugas sa dakbayan karon nga usa na sya ka full-fledge mayor.  “Abogado man ta so of course the rule of law must always prevail. I think that has always been clear from the very beginning but dili lang tingali nato talikdan ang suporta sa tanan natong mga agencies sa gobyerno the Philippine National Police as the PDEA (Philippine Drug Enforcement Agency),” matod ni Garcia sa press conference kagahapon (Lunes).

Matud ni Garcia, ang nag-unang direktiba mao ang padayong pangusgan ang pakigbatok sa ilegal nga drugas ug kriminalidad.

 Dugang pa niya, sa iyang pakighinabi kang Police Colonel Antonietto Cañete, hepe sa Cebu City Police Office (CPPO), iyang gitataw nga 90% sa mga krimen nga nahitabo sa dakbayan sa Sugbo kay drug-related.

Matud usab ni Garcia nga 95% sa mga napriso tungod sa mga krimen nga may kalabotan sa droga.  Kinahanglan matud pa niya ang kagamhanan adunay mas lig-on nga baruganan ug mga aksyon batok sa drugas pinaagi sa pagsuporta sa mga law enforcement agencies. Giangkon sab ni Garcia dako nga problema kining mga report nga ang naghimo sa mga transaksyon sa ilegal nga drugas mga bilanggo bisan og naa sila sa mga prisohan.

“It is not only happening in Cebu but all over the Philippines. So maybe must stricter lang jud ang control and measures didto suds a prisohan. Maybe there are instances nga lax lang tingali nga makasulod ang cellphone, I don’t know,” matud pa ni Garcia. (BANAT NEWS)