P30M igahin sa umento sa sweldo sa mga kawani sa Mandaue
CEBU, Philippines — Makadawat na sa umento sa ilang suhulan ang mga kawani sa City Hall sa siyudad sa Mandaue nga nagsugod sa pag-epekto sa bulan sa Enero 2024 hangtud sa bulan sa Agosto 2024.
Kini nonot sa resolusyon nga gipalabang ni Konsehal Ma. Emmaline Zafra sa ilang regular session sa konseho kagahapon Septiyembre 23, 2024.
Segun sa resolusyon ang kagamhanan sa dakbayan kinahanglan nga mogahin og P30 milyones alang sa pagbayad sa usbaw sa suweldo sa mga kawani.
Nalakip sa giusbawan mao ang mga regular nga mga empleyado, mga co-terminos, mayor, bise mayor ug ang mga sakop sa konseho. Si Konsehal Cortes-Zafra miingon nga ang maong kantidad nga P30 milyones maoy kuhaan sa usbaw sa suweldo sa kawani sa matag bulan nga nagsugod sa pag-epekto sa Enero 2024 nga dungan usab sa mga national nga mga kawani sa gobyerno.
Ang usbaw sa matag bulan sa suweldo sa mga kawani sa goberno ang gibase usab sa salary grade nga ang kinaubsan nga madawat sa matag bulan mao ang P500. (BANAT NEWS)
- Latest
