Unom ka tawo sa Mandaue gikatahapang natakboyan og Mpox
CEBU, Philippines — Gibutyag ni Dr. Debra Catulong, city health officer sa Siyudad sa Mandaue nga adunay unom nga gikatahapang gitakboyan og sakit nga Monkey Pox (MPox) tungod sa nakitang mga sentomas niini.
Matud ni Catulong nga ang unom gitambagan kini nila nga ipaubos sa home isolation sulod lang sa ilang panimalay.
Apan ilang namatikdan nga ang usa niini kanila wala motuman sa ilang tambag tungod kay nigawas kini ug nisulod pa og grocery store kay adunay gipalit.
Gipasabot ni Catulong nga mahinungdanon kaayo ang pag-isolate sa pasyente sa MPox tungod kay pinaagi lamang niini kalikayan ang pagkatap sa maong sakit.
Dugang ni Catulong nga ang sample nga nakuha gikan sa mga gikatahapang gitakboyan og MPox ilang gipadala ngadto sa Research Institute for Tropical Medicine sa Department of Health (DOH) alang sa confirmation. (BANAT NEWS)
- Latest
