P700 mil danyos sa sunog sa MEZ 2

CEBU, Philippines — Mokabat sa P700,000 ang gibiling danyos sa nasunog nga furniture firm nga nahimutang sa Mactan Export Zone II sa Barangay Basak, Siyudad sa Lapu-Lapu nga gialarma alas 7:23 ang takna sa buntag Agosto 27, 2024.

Si Fire Officer IV Clint Barba nga maoy ground commander sa maong sunog nga nahitabo miingon nga ang nasunog mao ang Scarborough Fine Furniture Inc. MEZ 2  nga gipanag-iya ni Jonathan Buxton ug kasamtangang giukopar sa mga empleyado niini.

Si Barba miingon nga kauban nila sa pagpawong sa kalayo ang mga personnel sa City Disaster Risk Reduction Management Council ug napawong kini alas 7:43 na ang takna sa buntag.

Si Barba miingon nga mohimo pa sila og dugang imbestigasyon sa pagsuta sa hinungdan sa maong sunog. Walay nasakitan o nakalas sa maong hitabo. (BANAT NEWS)