Lapu-Lapu City, ikatulo nga Most Improved Highly Urbanized City

CEBU, Philippines — Nakuha sa siyudad sa Lapu-Lapu ang ikatulong pwesto sa Most Improved Highly Urbanized City lukop nasud.

Kini subay usab sa 2024 Creative Cities and Municipalities Congress nga gipasiugdahan sa Department of Trade and Industry DTI.

Ang mga representante sa siyudad, sila si Konsehal Annabeth Cuizon ug OIC Treasurer Claire Cabalda, ang midawat sa pasidungog sa seremonya nga gipahigayon sa Manila Hotel niadtong August 23, 2024.

Ang maong kadaugan nga nakab-ot sa dakbayan maoy nagpamatuod sa nagpadayong kalamboan sa siyudad nga misaka gikan sa ikalima nga pwesto sa niaging tuig ngadto na sa ikatulo karong tuiga.

Kini maoy nahimong bunga sa kusganon usab nga pagtinabangay sa mga opisyal sa kagamhanan nga gipangulohan ni Mayor Junard "Ahong" Chan ug mga stakeholders sa dakbayan. (BANAT NEWS)