Usa ka tuig nga suspension ni mayor Cortes bug-at ra – Bercede
CEBU, Philippines — Wala na makurat si Mandaue City Vice Mayor Glenn Bercede sa gipagawas nga suspension order batuk kang Mayor Jonas Cortes tungod kay dugay na silang nakadungog niini.
Matud pa ni Bercede, dugay na sila nakadungog og hugon-hugon may kalabutan sa suspension apan ang usa ka tuig bug-at ra kaayo.
Gipahimug-atan ni Bercede nga padayon ug kanunay ang iyang suporta nga ihatag ni mayor Cortes.
Dugang pa sa Vice Mayor, wala pa siya makadawat og kamanduan bahin sa iyang paglingkod isip Acting Mayor sa siyudad.
Gitug-an ni Bercede, magpadayon ang tanan nga mga kalihukan alang sa ika-55th Charter Anniversary sa siyudad ilabi na ang groundbreaking sa katukuran unya sa bag-ong government center.
Gipasalig ni Bercede, nga iyang ipadayon ang tanan nga mga programa nga nasugdan ni Cortes. (BANAT NEWS)
- Latest
