Track oval ug swimming pool sa Talisay magamit sunod tuig
CEBU, Philippines — Magamit na ang track oval ug swimming pool sa Barangay Poblacion, Dakbayan sa Talisay sunod tuig.
Kini maoy gipahibawo ni Talisay City mayor Gerald Anthony “Samsam” Gullas.
Matud pa ni Gullas nga gusto niya nga tagaan og katumanan ang hangyo sa Talisaynon nga aduna silay pasilidad nga makapakita sa ilang talento sa paugnat sa kusog.
Sa mga programa sa Talisay sa sports duha ka boksidor ang nakahatag og dungog sa pagsakmit og medalya gikan sa Palarong Pambansa.
Samtang si Gullas mihatag og mga basketball goals sa 22 ka barangay sa Talisay.
Gidawat kini sa mga kapitan ug iyang gipasabot nga gamiton gyud kini sa kabatan-onan nga mahilogon sa basketball.
Dugang pa ni Gullas nga wala sila molimit sa basketball nga sports tungod kay daghan pa sila og mga kalihukan sa uban nga matang sa paugnat sa kusog. (BANAT NEWS)
- Latest
