Mga PWDs sa Mandaue gihatagan og discount card
![Mga PWDs sa Mandaue gihatagan og discount card](https://media.philstar.com/photos/2024/08/04/2_2024-08-04_23-39-15.jpg)
CEBU, Philippines — Makapahimulos na sa pagpangayo og diskuwento ang mga Person with Disabillity (PWD's) sa siyudad sa Mandaue nunot usab sa paghatag na ngadto kanila sa ilang discount Identification card.
Mokabat sa 55 ka giila nga mga PWD members sa Mandaue City ang nakadawat sa ilang mga PVC discount IDs.
Ang Discount ID gihatagan og prebelihiyo og benepisyo lakip ang 20% nga discounts sa pampublikong transportasyon, serbisyong medikal, ug admission fees sa mga entertainment venues.
Aduna usab silay espesyal nga diskwento sa supermarket, ug educational assistance.
Sa nasayran sa administrasyon ni Mandaue City Mayor Jonas Cortes gihatagan og pagtagad ang mga PWD tungod kay aduna silay kakuli-an sa panglawas nga angayan hatagan og konsiderasyon.
Ang mga sakop sa konseho sa siyudad misuporta sa paghatag sa discount cards sa mga PWD IDs ug kini gipanguluhan ni Bise Mayor Glenn Bercede, Maline Cortes-Zafra, Oscar Del Castillo, Cynthia Cinco-Remedio, Jimmy Lumapas, ug Persons with Disability Affairs Office OIC Dr. Michael Allan Pielago. (BANAT NEWS)
- Latest