Lalaki nagduwa sa kinatawo atubangan sa babayeng senior
CEBU, Philippines — Usa ka 34-anyos nga lalaking giingong nagduwa sa iyang kinatawo atubangan sa usa ka babayeng senior citizen sa Pasil Fish Port ang gitanggong karon sa detention facility sa Sawang Calero Police Station sa Cebu City Police Station niadtong Domingo.
Ang suspetsado niangkon nga hubog siya niadtong higayona dihang nakahimo siya sa maong kalapasan apan gipadayag niini nga nangihi lang siya ug naatlan nga nakita sa biktima ang iyang kinatawo.
Ug tungod kay nabastosan sa iyang gihimo ang biktima gipadakop niini ang suspetsado.
Ang suspetsado nihimakak sa pasangil batok kaniya apan nangayo kini og pasaylo ngadto sa biktima.
Nasayran nga tulo na ka higayon nga napriso ang suspetsado diin una niini ang pagkalambigit sa ilegal nga drugas, ikaduha nalambigit kini sa animal cruelty ug niining ulahi ang ikatulo.
Ang Women and Children Protection Desk sa Sawang Calero Police Station andam na unta sa mga dokumento alang sa pagpasaka og kaso batok sa supetsado apan giingong dili na mopadayon sa pagpasaka og kaso ang biktima. (BANAT NEWS)
- Latest
