PCG: Padayon ang biyahe sa mga barko

CEBU, Philippines — Bisan sa dili maayong lakat sa panahon nga nasinati sa Sugbo apan padayon gihapon ang biyahe sa barko ngadto sa mga silingan nga probinsiya hangtud sa oras sa pagsuwat niining balita.

Kini ang gibutyag sa information officer sa Philippine Coast Guard Ensign Abel Lomboy.

Matud ni Lomboy nga ang ilang buhatan wala pay giluwatan nga cancellation sa mga biyahe bisan asa nga dapit.

Giklaro ni Lomboy nga walay biyahe nga kanselado tungod kay walay giisyu nga gale warning ang PAGASA.

Si Lomboy niawhag labi na sa mga mananagat nga kanunay’ng magpaminaw sa mga luwatan nga pahimangno sa ilang pagpanagat ilabi na kong dili maayo ang lakat sa panahon. (BANAT NEWS)