Earthquake ug fire drill gihimo sa mga kawani sa Talisay

CEBU, Philippines —  Duha ka sitwasyon sa kalamidad ang gihimo sa kagamhanan sa Dakbayan sa Talisay aron mabansay ang mga empleyado ug opisyales sa ilang pagabuhaton.

Una nila nga gihimo mao ang earthquake drill diin sa pagbagting sa alarm system gihimo sa mga kawani ang Drop, Cover and Hold.

Pipila ka minutos hinay-hinay sila nga nanggawas sa ilang mga opisina.

Nisunod na dayon ang City Disaster Risk Reduction and Management Office aron luwason ang nagpaka aron ingnon nga mga nasamdan nga katawhan.

Gisukod ang katakus ug kapaspas sa pagresponde sa mga tinugyanan.

Matud pa ni Talisay City mayor Gerald Anthony “Samsam” Gullas nga ilang gi-review ang ilang kaandam kung mahitabo ang linog ug sunog.

Samtang gihimo usab nila ang drill sa sitwasyon nga adunay mahitabo nga sunog.

Nipakita usab ang kabomberohan sa ilang pagresponde ug pagpawong sa kayo.

Ang kalihukan subay gihapon kini sa pag obserbar sa National Resilience Month. (BANAT NEWS)