Brgy Casili midaug sa Emergency Response Team Challenge
CEBU, Philippines — Giila ang Barangay Casili sa Siyudad sa Mandaue nga maoy labing hanas sa pagtubag og mga alarma nga naglambigit sa emerhensiya.
Ang matag Barangay Emergency Response Team sa maong dakbayan mipakita sa ilang kahanas ug katakus sa pagpahigayon og emergency rescue operation.
Migawas nga mananaug ang Emergency Response Team sa Barangay Casili sa maong inidigay sa Barangay Emergency Response Team Challenge.
Napili nga 2nd Placer ang Barangay Subangdaku, 3rd Placer ang Barangay Pagsabungan, 4th Placer ang Barangay Looc, ug 5th Placer ang Barangay Canduman.
Subay sa pag-obserbar sa National Disaster Resilience Month gihingusgan sa Disaster Risk Reduction Management Office DRRMO sa siyudad sa Mandaue ang pagbansay-bansay sa mga Barangay Emergency Response Team aron pagpalig-on sa ilang kahanas sa mga emergency ug rescue operation.
Tinguha ni Mandaue City Mayor Jonas Cortes nga andam ang matag barangay sa Mandaue City sa pag-responde sa mga panghitabo nga aksidente ingon man sa mga trahedya ug kalamidad.
Nakadayeg ang mayor sa gipakita nga performance sa mga team sa kabarangayan nga nipakita sa ilang kahanas sa emergency ug rescue operation. (BANAT NEWS)
- Latest
