Cebu City gipaabot dagsaon og mga bisita atol sa Palaro
MANILA, Philippines — Kapin nalang sa duha ka semana ang paabuton ipahigayon na dinhi sa Sugbo ang Palarong Pambansa 2024 nga gipanglantawang dugokon dili lang sa mga atleta kondili hasta pud ilang mga pamilya ug supporters.
Ang maong kalihukan apilan sa mga atleta gikan sa nagkalain-laing rehiyon sa Pilipinas ug uban sab nila ilang mga pamilya hinungdan nga gibana-bana nga 20,000 ngadto sa 25,000 ka mga delagado ang moanhi sa Sugbo alang sa maong kalihukan.
Nunot niini, ang Cebu Police Provincial Office (CPPO) subsob na ang pagpangandam aron masiguro nga hapsay ug lawas nga mapahigayon ang kalihukan.
Matod ni Police Major Windel Abellana, tigpamaba sa CPPO nga magpadala sila og augmentation personnel sa nagkalain-laing venues sa Palarong Pambansa 2024. "We will provide augmentation, it depends when the need arise," sigon ni Abellana.
Kung magsugod na ang Palarong Pambansa dili na tugutan ang mga police personnel nga maka leave kini aron ma-maximize nila ilahang personnel ilabi na sa mga tourist destination.
Sanglit gipanglantawan nga dunay mga manuroy sa mga nagkalain-lainh tourist spot sa Sugbo maong apil sab kini sa bantayan.
- Latest
