Dr. Utlang gibalik na sa buhatan sa DVMF
CEBU, Philippines — Mapasalamaton si Dr. Alice Utlang ngadto kang acting mayor Raymond Alvin Garcia, human siya hingpit nga gibalik isip pangulo sa Department of Veterinary Medicine and Fisheries.
Sa nasayran si Utlang gibalhin og lain laing buhatan ni suspended mayor Michael Rama ug wala kini motuman sa recall order nga gimandu sa Civil Service, lima ka tuig ang nakalabay.
Matud pa ni Utlang, mapasalamaton siya ni Garcia kay gipa serve gayud ang iyang recall order isip city veterinarian o pangulo sa DVMF human sa lima ka tuig.
Gitug-an ni Utlang iyaha usa tigumon ang tanan niyang mga sakop, ug isunod ang pag-atiman sa ilang building nga kinahanglan na nga ayuhon.
Tinguha usab ni Utlang nga mahimong kada adlaw nga adunay mosagop sa mga iro diha sa ilang pound kay naghuot na kini ug looy ang mga iro.
Pakigtagbuan usab niini ang mga division heads aron konsultahon sa ilang mga issues ug concerns.
Apil sa ilang plano ang pagpahigayon og libre nga one-time big time cat spay ang neuter diin target nila ang 3 mil ngadto sa 5mil sulod sa duha ka adlaw. (BANAT NEWS)
- Latest
