Trike-drivers sa Talisay naghugpong

CEBU, Philippines — Rehistrado na sa Department of Labor and Employment (DOLE) ug Securities and Exchange Commission (SEC) ang 15 ka grupo sa mga traysikol drayber sa Dakbayan sa Talisay.

Kini maoy gipahibawo ni Jonathan Tumulak, pangu sa City of Talisay-Traffic Operation Development Authority (CT-TODA). Matud pa ni Tumulak nga ang 15 ka lider sa kapunongan sa traysikol drayber mituyo sa pagbisita sa iyang buhatan.

Ang mga bag-o lang narehistro nga grupo sa traysikol drayber sa nagkadaiyang rota mao ang BTODA, PC DOTA, TASADOTA, LAGTODA, MTODA, BL TODA, IRETODA, TIPODOTA, POBTODA, STC MTODA, GFM TODA, SATODA, TACIDOTA LALIDOTA ug LAPTODA.

Sud sa 15 ka grupo sa traysikol drayber niila sab ang grupo og mangulo sa kinatibuk-ang asosasyon nga mao si Juvelon Daan.  Ang pangan sa grupo sa mga lider sa traysikol drayber mao ang Talisay Nagkahiusang Tricycle Operators Drivers Association.

Nalipay si Tumulak sa kalambuan ilabi na nga nipadayag ang lider sa mga traysikol draybers sa ilang suporta ug pagtuman sa lagda sa trapiko. (BANAT NEWS)