Interview sa minor nga biktima sa pag-abuso, “unfit to broadcast” – KBP
CEBU, Philippines — Gikonsiderar sa Kapisanan ng mga Broadkaster ng Pilipinas (KBP) Cebu Chapter nga "unfit to broadcast" ang gihimong interbyu ni Atty Juril Patiño ug Dennes Tabar niadtong Marso 13, 2024 sa Brigada News FM Cebu sa minor de edad nga biktima sa pag-abuso.
Sa resolusyon nga giluwatan sa KBP-Cebu nagkanayon nga ang maong interbyu gihimo sa law-ay ug dili desente nga pamaagi ug nakalapas sa KBP Broadcast Code of 2007.
Ang maong interbyu nga nakalive sab sa facebook page sa maong estasyonan sa radyo nakaangkon og daghang pagsaway sa mga tawo ug nagkadaiyang organisasyon.
Apan matud sa KBP, walay pagbasol sa iyang nahimo.
"Atty Juril Patiño Main Anchor, Interviewer has, to date remained unashamed and unremorseful of their conduct of the subject interview and have in fact very unapologetic for their acts" pagbasa sa tulo ka pahina nga resolusyon sa KBP. Wala sad kini mopadayag og pagbasol bisan pa man nga giawhag na sila sa City Anti-Indecency Board (CAIB) nga mopadangat og written public apology ug isibya pud kini sa ilang programa sa radyo.
Gani matod pa hangtod karon wala gihapon gitangtang sa maong estasyonan ang maong live interview.
"the Kapisanan ng mga Broadkaster ng Pilipinas (KBP) Cebu Chapter condemns in the strongest terms the said interview, the morality and demeanor of Brigada News FM's Atty Juril Patiño Main Anchor, Interviewer and Mr. Dennes Tabar, perceived as unfit to broadcast, more in a KBP member Network/ station" dugang sa organisasyon sa mga magsisibya sa Sugbo. (BANAT NEWS)
- Latest
