Police investigators sa PRO-7 napun-an
CEBU, Philippines — Laing batch na sab sa kapolisan ang nakakompleto sa specialized training for police investigators niadtong Mayo 22, 2024 diin gitudloan sila sa fundamentals sa criminal investigation.
Ang kalihukan gipahigayon sa PRO-7 Hinirang Hall, PC Hills Compound, Siyudad sa Sugbo. Atol sa closing ceremony sa Criminal Investigation Course Class 02-021-R7-2024 ang mga police giila sa ilang mga nakab-ot.
Nasayran nga 50 ka police officers ug non-uniformed personnel gikan sa nagkalain-laing lugar ubos sa PRO-7 ang nakakompleto sa training ga nagsugod niadtong Marso 27 , 2024.
Ang 50 ka police officers ug non-uniformed personnel gilangkuban sa 47 ka Police Non-Commissioned Officers, usa ka non-uniformed personnel ug duha ka civilian agents gikan sa National Intelligence Coordinating Agency (NICA).
Ang maong kurso gidisenyo aron pagpataas sa kapabilidad pag-imbestigar ang mga polis, makaumol og maayong relasyon tali sa polis ug sa komunidad ug pag promote og character development ug commitment aron mas epektibong mahimo ang mandato.
"The conduct of a comprehensive and honest investigation provides for a foundation of case build-up and strengthens your case in court, ensuring that justice is served in the end. Let us remain able, active, and allied in fulfilling our mission competently, for the Central Visayas community," sigon ni Police Brigadier General Anthony Aberin, Regional Director sa Police Regional Office-7.
Nanghatag sab og awards ug commendations sa mga kugihan nga mga partisipante zsa Criminal Investigation Course apil na ang top three sa klase, leadership ug service awards, highest comprehensive exam rating, best output station deployment ug most junior sa klase.
Gikan sa 2011 hantod sa kasamtangang tuig ang Police Regional Office-7 naka produce og 3,201 CIC Graduates. (BANAT NEWS)
- Latest
