Busy sa concert tour

Naproblema og maayo  ang singer nga si Gigi De Lana gumikan kay wala siya sa kiliran sa iyang nasakit nga inahan gumikan sa iyang ka-busy. Tua pa sa Canada ang singer  alang sa  “Gigi Vibes” world tour nga gikatakdang  mahuman karong  Mayo 18.

Pilion ang nasud

Nisabay si Vice Ganda sa uso karong panahona nga TikTok challenge, ang "Piliin Mo Ang Pilipinas".  Ang dagan sa iyang video kay nagpakita sa problema sa trapiko, ang jeepney modernization program, ug ang init nga isyu sa West Philippine sea."Kahit mahirap kang ipaglaban, pinipili pa rin kita Pilipinas," suma pa  ni Vice sa katapusang bahin sa video.

Nalingaw sa pagluto

Nakabalik na sa iyang pinuy-anan  ang aktres nga si Rosanna Roces human sa taod-taod nga   lock in taping sa Baguio City alang  sa teleseryeng “Pamilya Sagrado” . Kun bakante ang iyang oras, ang pagluto og mga pagkaon maoy gikalingawan sa aktres.

Andrea dunay bag-ong  'pasabog' sa "High Street"

Mobalik na ang  mga bitoon sa “Senior High”  alang sa season two sa ilang “High Street” series.

Ang "High Street"  nga  adunay m kulbahinam nga istorya kauban ang ubang bag-ong mga karakter kay makita na  sugod ugma, Mayo 13 (Lunes), 9:30 PM sa Kapamilya Channel, A2Z, ug TV5. Mahimo usab nga masubay ang mga hugna niini sa iWantTFC, 48 oras sa dili pa kini i-ere sa telebisyon.

Human sa kagubot sa ilang  kinabuhi sa panahon sa high school, magpadayon  ang istorya human nilabay ang  lima ka tuig sukad  nigradwar sa  Northford High diin si Sky (Andrea Brillantes) ug ang iyang mga higala mosulod sa tinuod nga kalibutan isip mga hamtong.

 Giangkon ni Andrea nga na-pressure siya  sa season two sa maong serye ilabi na nga nagmalampuson ang "Senior High" ug nagustohan kini sa audience.

“Excited ako pero may mixed emotions. Kasi ‘pag may part two, laging may pressure to make it better or for it to be as good as the first one,”matud pa ni Andrea.

Gawas sa nangagi nga mva karakter, duna pu'y mga bag-o nga mosulod sa  "High Street" ug kini sama nila ni  Dimples Romana, Romnick Sarmenta, Harvey Bautista, AC Bonifacio, ug Ralph De Leon.

Nagsugod ang istorya sa reunion sa mga estudyante sa Northford High diin aduna na silay kaugalingong kinabuhi ug busy na sila sa ilang mga trabaho. Bisan pa sa ilang daw malinawon nga kinabuhi, matay-og na usab ang ilang kalibotan sa dihang gikidnap si Z (Daniela Stranner) sa wala mailhing grupo. Tungod niini, mogawas ang mga komplikadong sekreto sa mga tawo ug nagtangag ang misyon nila ni Sky ug sa iyang mga higala, apil na ang inahan ni Sky nga si Tanya (Angel Aquino), aron masulbad ang pagdagit ni Z.

Moinit ang dagan sa istorya sa pagpangita lang Z ug dunay mga moulbo nga mga butang nga makapaulbo ni Sky.

Ang "High Street" kay ubos sa direksyon nila ni Onat Diaz ug Lino Cayetano. Nalakip usab niini sila si Juan Karlos, Elijah Canlas, Xyriel Manabat, Zaijian Jaranilla, Miggy Jimenez, Tommy Alejandrino, Gela Atayde, Mon Confiado, Kean Cipriano, Ana Abad Santos, Gerald Madrid, Inka Magnaye, Angeli Bayani, ug Rans Rifol.

Ang premiere sa "High Street" ugma , Mayo 13 (Lunes)  9:30 PM, makita usab ang premiere sa "High Street" ugma, Mayo 13 (Lunes)  9:30 PM  sa   Kapamilya Online Live sa YouTube channel ug Facebook page sa ABS-CBN Entertainment. 

Rommel nanghinaot nga magbalik ang KathNiel

Nagmalaumon ang action star nga si Rommel Padilla nga ma-okay og balik ang napakyas nga love life sa iyang anak nga si Daniel Padilla.  Giampo niya nga magkabalik sila si Daniel ug Kathryn Bernardo. Matud pa ni Rommel nga normal lang gyud sa mag-uyab nga mag-agi og mga kakulian. Pipila ka netizens ang niyam-id sa pamahayag ni Rommel sanglit taod-taod naman nga nagbuwag sila si Kathryn ug Daniel.

Xian labad katrabaho?

Nikatap karon ang taho nga matud pa lisod katrabaho  ang aktor nga si Xian Lim ug nag-ugat  kini sa komento sa nagpaila nga TV writer nga ginganlan og Brylle Tabora.

Suma pa sa maong writer nga naghatag og miserable kaniya ang maong aktor.

Samtang gisulat kini nga balita, wala pa mohatag og komento ang aktor kalabot niini.