Facebook account sa RCADD na-hack
CEBU, Philippines — Gihinay-hinay na og tang-tang sa IT ang mga unwanted access Facebook account sa Regional Community Affairs Development Division (RCADD) sa Police Regional Office (PRO)-7.
Niadtong Mayo 6, 2024 sa alas 3:00 sa hapon nahitabo ang unauthorized access nga dali usab dayong gi-report sa RCADD sa Regional Cybercrime Unit (RACU)-7 aron maimbestigahan ang hitabo ug ma-recover ang account.
Usa sa mga lakang nga gihimo usab sa social media handler mao ang pag-contact sa Meta, ang kompaniya nga responsable sa Facebook diin gi-report nila ang insidente niadtong Mayo 7, 2024.
Nitubang ang Meta ug nipasalig nga i-review ang account alang sa dinalian nga pag-recover niini.
Pila ka tuig na nga ang RCADD nagsilbing official platform aron mag-promote og community safety awareness, pagpalambo sa community engagement, pag-umol og proactive measures aron matubag ang concerns ug ubang essential services.
Ang unauthorized access nakapabalaka gumikan sa safety ug security sa mga sensitibong impormasyon nga anaa sa maong account.
Nimando usab si PRO-7 Director Brigadier General Anthony Aberin sa division Cchief sa pag-report sa maong hitabo ngadto sa RACU-7 ug ITMS alang sa solusyon sa problema.
"We emphasize our commitment to the protection of sensitive information and we will continue to be vigilant in our efforts to address cyber security threats that may arise. We apologize for any inconvenience that this may cause, and we implore your patience and understanding as we strive to address this issue as soon as possible”, matud ni Aberin. (BANAT NEWS)
- Latest
