Durugista sikop sa buy-bust sa MCPO
CEBU, Philippines — Gitanggong karon sa holding facility sa Mandaue City Police Office (MCPO) ang usa ka 38-anyos nga lalaki kinsa nadakpan atol sa buy-bust operation ug nakuhaan og shabu nga nikantidad ngadto sa P68,000.
Ang mga sakop sa City Intelligence Unit (CIU) nga gipangulohan ni Police Lieutenant Colonel Wilfredo Alarcon uban ni Police Lieutenant Erwin Remigio sa City Drug Enforcement Unit (CDEU) maoy nakasikop sa suspetsado nga molupyo sa Barangay Inayawan, Siyudad sa Sugbo. Si Alarcon nagkanayon nga nakadawat sila og impormasyon gikan sa mga drug pusher nga una nilang nadakpan nga ang maong suspetsado maoy tigtagak ngadto kanila sa ilegal nga drugas.
Dugang ni Alarcon nga gihimo una nila ang pagpaniid sulod sa pipila ka mga adlaw ug dihang positibo ang ilang nakuhang impormasyon nipahigayon dayon sila og buy-bust operation batok sa suspetsado. (BANAT NEWS)
- Latest
