Dugang hospital sa Cebu City na-accredited sa CHAMP

CEBU, Philippines — Adunay nadugang nga tambalanan sa Dakbayan sa Sugbo nga accredited sa Cebu City Hospitalization Assistance and Medicines Program sa kagamhanan sa siyudad.

Kini ang gibutyag ni Regina Mercedes Lingaolingao, pangulo sa CHAMP.

Matud ni Lingaolingao nga usa sa mga tambalanan nga nadugang nga accredited sa CHAMP mao ang Miller General Hospital ug aduna pa sila’y padayon nga gi-finalize nga dugang tambalanan

Gibutyag ni Lingaolingao nga aduna sila’y kasabotan sa mga tambalanan nga accredited sa CHAMP nga unahon ang Cebu City Medical Center sa dili pa kini iduso ngadto kanila ang mga pasyente nga gustong mopahimulos sa programa.

Base sa lagda sa programa sa CHAMP nga 15 porsyento sa kinatibuk-an nga gasto sa pagpatambal ang makuha isip balik ngadto sa beneficiary gikan sa kagamhanan sa siyudad walay apil ang professional fee sa mga doktor.

Base usab sa talaan sa CHAMP ang mga accredited nga tambalanan naglangkub sa CCMC, Chong Hua Hospital, Miller General Hospital, Ace Medical Center, St. Vincent General Hospital ug Sacred Heart Hospital. BDB BANAT NEWS