Cebu City nangandam alang sa Palarong Pambansa

CEBU, Philippines — Si Mayor Michael Rama sa Dakbayan sa Sugbo sayo nga ni inspeksiyon sa Cebu City Sports Center kagahapon aron tan-awon ang pagpangandam nga gihimo sa siyudad alang sa Palarong Pambansa karong umaabot nga buwan sa Hulyo. Matud ni Rama nga mahinungdanon kaayo nga masiguro ang kaluwasan sa mga atleta ug hapsay ang pagpahigayon sa Palarong Pambansa.

Si Rama nagkanayon nga mas maayo nga magsobra ang pagpangandam kompara sa walay pagpangandam.

Gimando usab ni Rama nga ipatangtang ang tanang nakaali diha sa sulod ug gawas sa CCSC ilabi na kadtong gipanaod nga walay permit ug mga sakyanan nga nakabalda sa sidewalk.

Tinguha sa mayor nga walay mga bata nga madisturbo sa maong dapit ug gipaniguro ang safety and order sa maong dapit.

Gimandoan ni Rama ang kapolisan nga gipangulohan sa Police Colonel Ireneo Dalogdog sa Ceby City Police Office nga butangan og kural lakip ang mural palibot sa sports center.

Gipaabot nga modagsa ang mga atleta unya sa Sugbo sa umaabot nga buwan sa Hulyo alang sa Palarong Pambansa diin ang Cebu City maoy host. — /BDB (BANAT NEWS)