Pasyente nilayat nakalas

CEBU, Philippines — Nihimo karon og imbestigasyon ang Abellana Police Station 2 sa Cebu City Police Office (CCPO) kun unsa gyud ang nahitabo sa usa ka 55-anyos nga lalake nga giingong miambak gikan sa ikatulong andana sa Vicente Sotto Memorial Medical Center (VSMMC) diha sa dalan B. Rodriguez, siyudad sa Sugbo kagahapon sa buntag.

Base sa impormasyon sa kapulisan, nakadawat sila og tawag gikan sa usa ka concerned citizen nga matud pa dunay misuway og kutlo sa iyang kinabuhi sa maong tambalanan.

Dali kining girespondehan sa kapulisan sa Abellana Police Station pinangulohan ni Major Mark Don Alfred Leanza.  Sa gihimong imbestigasyon, nasuta nga ang 55-anyos nga lalake taga Sitio Kalubihan, Luray 2, Toledo City.

Ang 50-anyos nga asawa niini nga nakaestorya sa kapulisan miingon nga ang iyahang bana na-admit sa ospital niadtong Abril 8, 2024 sa 3rd Floor sa Surgical Pavillion, room 308 ug operahan na unta kini gumikan sa pancreatic mass.

Sa wala pa ang insidente ang asawa nga mao sab ang watcher sa pasyente nakabantay matud sa iyahang bana nga hilom kaayo kini ug matud pa nag-antos sa anxiety ug gi-refer nila kini sa usa ka psychiatrist.

Mitug-an sab ang asawa nga ang iyang bana 17 ka tuig na ang nakalabay nisuway na sab kini og kutlo sa kinabuhi tungod sa problema nga naospital ang ilang anak nga babaye.

Nahibaw-an sa kapulisan gikan sa asawa nga samtang giatiman niya iyahang bana alas 10 sa buntag kagahapon, Miyerkules, Abril 11, miadto siya sa comfort room ug sa iyang pagbalik wala na niya makita iyahang bana sa higdaanan niini.

Dihang gisusi sa asawa sa bintana sa ward nakit-an nalang niini gawas sa bintana ang iyahang bana nga naa na sa ubos. Daling gidala sa emergency room ang lalaki ug gisuwayan kini pagsalbar apan wala na matabang ug nakabsan gyud sa kinabuhi.

Ang hepe sa VSMMC nga si Dr. Gerardo Aquino Jr. sa gipagawas nga opisyal nga pamahayag bahin sa insidente, kini miawhag sa tanan nga iampo ang tanang mga pasyente sa mga tambalanan.

We understand that many of you have received information regarding the incident of our patient. We are saddened with this and we would like you to know that we are looking into the situation.  The patient is a 55-year old male who was admitted to VSMMC on April 9, 2024 at 03:40 AM, has died in an apparent suicide. The patient was admitted due to pancreatic tail mass probably malignant and was staying in a room at the 3rd floor of SP Building with the significant other or watcher,  matud pa sa tipik sa ilang pamahayag nga gi-post sa Facebook Page sa tambalanan.

We all need compassion, not blame.  We urge the public to maintain the support and prayers for all patients who are continuously fighting for their health conditions, panapos pa niya. (BANAT NEWS)