Mga mag-uuma sa Toledo nitiyabaw tungod sa kainit sa panahon

CEBU, Philippines — Pipila ka mga bukirang barangay sa Dakbayan sa Toledo ang naapektahan sa El Niño sumala pa ni City Agriculturist sa siyudad Estrilla Bargamento.

Matud pang Bargamento, aduna silay 38 ka barangay diin 34 niini ang tanaman ug upat ang industrial nga naapektahan og maayo.

Sumala pa ni Bargamento, usa ang barangay Kanglumampao 102 ka mga mag-uuma ang mibutyag nga nadaut gyud ilang umahan gikan sa 50 ngadto sa 80 percent tungod sa kakulangon sa tubig, nagsalig lang sila sa ulan.

Gitug-an pa ni Bargamento, nagproseso pa sila karon sa pagpalit na sa mga ipanghatag sama sa mga materials hose, barrel ug uban pa gikan sa P750mil nga gihatag sa CDRRMO.

Gibutyag sab ni Bargamento, Disyembre sa milabay nga tuig nagkatigum na sila uban ni Mayor Marjorie Perales ug uban pa aron hisgutan ang pangandam sa El Ni o.

Wala pa hinuon masayod si Bargamento sa pagkakaron kung unsay ayuda nga ihatag sa LGU ngadto sa mga apektado nga mag-uuma og padayon pa sila nagpaabot niini.

Sa initial nga talaan sa City Agriculture sa siyudad gikan Marso 1 ngadto sa 15 nakatala na sila og P9 milyones nga kadaut tungod sa El Ni o ug 136 ka mga mag-uuma ang naapektahan.

Sa pikas bahin, giawhag ni Gobernador Gwendolyn Garcia ang nagkadaiyang city ug municipal Disaster Risk Reduction and Management Office sa Probinsya sa Sugbo nga panghingusgan ang kampanya niini pagpahibalo sa fire safety nga praktis hilabina karon nga adunay El Ni o ug nakasinati og grabeng kainit ang Sugbo.

Nipahimangno ang gobernador niini human sa nahitabong grass fire nga nahitabo sa Oslob ug sa Argao. Si Garcia una ng niluwat og memeroandum pagsuspenso sa klase sa mga pampublikong eskuylahan sa probinsya tungod sa pagsaka sa heat index o grabeng kainit nga nasinati.  Le Phyllis F. Antojado (BANAT NEWS)