OBO mosusi sa condominium diin natagak ang bata

CEBU, Philippines — Gimandoan ni Cebu City Mayor Michael Rama ang Office of the Building Official kon OBO  nga susihon ang building diin nahulog ang 4-anyos nga batang lalaki gikan sa ika-27 ka andana nga misangpot sa kamatayon niini.

Ang mayor nimando sa OBO  pagsusi sa safety features sa condominium.

Si Konsehal Rey Gealon nipasar og resolution nag-awhag sa OBO nga moimbestigar sa maong insidente aron masusi kun aduna ba kini occupancy permit nga gi-issue sa maong unit lakip usab ang pagsusi sa design nga maoy naingnan sa kamatayon sa bata aron malikayan na ang susama nga insidente sa umaabot og para usab sa security and safety sa mga residente sa maong dapit. Samtang gibutyag ni Police Lt. Col Janette Rafter, Deputy City Director for Administration nga gipalawman pa usab nila sa kapulisanb ang imbestigasyon sa maong panghitabo. IBM BANAT NEWS