Paghatag og premium pay sa mga JO giduso sa konseho
CEBU, Philippines — Usa ka ordinansa ang giduso sa Cebu City council nga nagsuporta sa paghatag og service premium pay sa mga job order (JO) nga empleyado sa city hall.
Si Vice Mayor Raymond Alvin Garcia ang author sa maong ordinansa ug lakip sa nahisgotan sa session sa konseho niadtong Miyerkules.
Ang maong ordinansa ginganlan og "An Ordinance establishing and instituting the grant of Job Service Premium to job order personnel in Cebu City".
Tumong sa maong ordinansa nga ma-promote ang welfare sa mga trabahante pinaagi sa grant awards ug insentibo.
“Cebu City engage the services of personnel under job order schemes to support the implementation of programs, projects and activities of the City of Cebu, fulfiling their duties diligently and passionately comparable to permanent employees,” nalatid sa ordinansa ni Vice Mayor Garcia.
Dugang niya, maki-angayon nga makadawat ug premium ang mga JO ilabi na nga dako sila og nahatag nga kontribusyon sa operasyon sa LGU.
Sa maong ordinansa, matag JO makadawat og P5,000 nga service premium pay sa mga buwan sa Mayo ug Nobiyembre matag tuig.
Apan nalakip sa condition nga kinahanglang nakahatag na og di momenos 3 ka buwan nga serbisyo ang JO nga i-certify sa mga department head. (BANAT NEWS)
- Latest
