DPWH mitugot nga ang probinsiya mopadayon sa MCE project

CEBU, Philippines — Mitugot ang Department of Public Works and Highways (DPWH nga ang Probinsya sa Sugbo na ang mangulo sa pagpatuman ug pag kompleto sa Metro Cebu Expressway (MCE) nga proyekto.

Si DPWH Secretary Manuel Bonoan misulat ngadto sa National Economic and Development Authority (NEDA) Secretary Arsenio Balisacan ug Public-Private Partnership Center (PPPC) Executive Director Ma. Cynthia Hernandez pagpahibalo nga suportado sa DPWH ang tinguha sa Kapitolyo sa Sugbo nga maoy mangulo sa pagtapos sa MCE pinaagi sa public-private partnership (PPP).

“This is to respectfully inform that the Department (DPWH) is delisting the MCE Project from the list of Priority Infrastructure Flagship Programs (IFPS) / Public Investment Program (PIP),” pagbasa sa sulat ni Bonoan ngadto nila ni Balicasan ug Hernandez penetsahan Abril 4, 2024.

Si Atty. Arjay Peralta sa DPWH Public-Private Partnership Service Office nga nakabase sa kaulohan maoy personal nga nipahibalo niini ngadto kang gobernador Gwendolyn Garcia ug nagkanayon nga bisan og ang Probinsya sa Sugbo na ang mangulo sa implementasyon, ang DPWH magpabilin gihapon nga mosuporta sa pagpatuman sa maong proyekto.

Tungod sa pagtangtang sa MCE sa priority projects sa DPWH, ang pundo alang sa maong proyekto mabalik sa nasudnong panudlanan sanglit ang Kapitolyo sa Sugbo naman ang mangita og pamaagi aron mapondohan ang proyekto.

Ang Probinsya sa Sugbo maoy nitanyag sa DPWH nga mao na lang ang mangulo sa pagpatuman sa 73.7 kilometro nga expressway isip alternatibong agianan pagdugtong sa siyudad sa Naga sa habagatan padulong sa siyudad sa Danao sa Norte.  MEL BANAT NEWS