Simulation sa roundabout system sa UN Avenue ipahigayon

CEBU, Philippines — Ipatuman ang simulation sa roundabout system sa intersection sa dalan Plaridel ug sa UN Avenue sa siyudad sa Mandaue.

Subay kini sa tinguha nga masolusyonan ang grabeng trapiko nga nasinati sa maong dapit.

Ang simulation nga himoon sa Probinsya sa Sugbo, lokal nga kagamhanan sa Mandaue ug sa pribadong sektor mag sugod Abril 14.

Ang roundabout nga sistema nga susama sa Fuente Osmeña rotunda, maoy usa sa gitan-aw nga epektibo nga pamaagi pagdumala sa trapiko sa usa ka lugar.

Si Engr. Wally Liu, usa ka magpapatigayon nipresentar sa iyang proposal nga roundabout system atol sa ilang tigom uban nila ni Gobernador Gwendolyn Garcia aron mahan-ay ang dalan ug maluagan ang trapiko sa may UN Avenue.

Si Garcia nagkanayon nga ang dakbayan sa Ormoc mipatuman sab sa roundabout system kon diin matod sa gobernador nga epektibo kini nga paagi pagdumala sa trapiko.

Ang UN Avenue maoy intersection sa mga mopadulong ug gikan sa Mactan Island pinaagi sa Marcelo Fernan Bridge.

Sa dili pa ang pagtuman sa roundabout system, ang Department of Public Works and Highways maoy mohawan sa dapit aron maka instalar sa imprastraktura sa roundabout sama sa traffic barriers ug mga signs.

Subay sa gipaabot nga transition sa maong sistema, ang mga traffic enforcers sa Mandaue ipaubos sa réorientation program aron masuhito sila sa mga operasyon sa pagpatuman sa roundabout. MEL BANAT NEWS