Namaligya’g armas nadakpan sa CIDG
CEBU, Philippines — Duha ka matud pa namaligya og illegal nga armas ang nadakpan sa mga operatiba sa Criminal Investigation and Detection Group (CIDG) Mandaue City Field Unit atol sa buy-bust operation sa managlahi nga lugar sa Sugbo niadtong Domingo sa gabii.
Unang nadakpan sa Barangay Centro, siyudad sa Mandaue ang 38-anyos nga si Rigan Gomez Calesa nagpuyo sa Maslog, Danao City. Nakuhaan ang dinakpan og calibre. 22 revolver ug P500 nga kwarta.
Dayon sunod nga nadakpan sa Barangay Alegria, Lungsod sa Cordova si Raniel Guasin Potot, 51, nagpuyo sa Purok Kamunggay, Barangay Alegria sa maong lungsod.
Nakuha gikan sa suspetsado ang usa ka kalibre. 45 nga armas ug magazine ingon man P500 nga kwarta. Kasong kalapasan sa Republic Act 10591 ang ipasaka batok sa mga suspetsado. (BANAT NEWS)
- Latest