Karsada nga gubaon sa CSCR giayo na sa DPWH
CEBU, Philippines — Wala na paabota sa Department of Public Works and Highways (DPWH) nga mahuman ang Semana Santa sa pagtrabaho sa karsada diha sa Cebu South Coastal Road (CSCR) habig sa Barangay Dumlog, Dakbayan sa Talisay.
Ang maong karsada kadaghan na kining gisaway sa mga motorista gumikan kay matag agi diha sa lugar mag-untol-untol ang sakyanan ug usa kini sa mga dapit sa CSCR nga madisgrasyahan.
Sayo pa, ang DPWH nigahin og pundo alang sa pagtrabaho sa nahisgutang karsada.
Ang City of Talisay-Traffic Operation Development Authority (CT-TODA) nipahimangno sa mga motorista nga kong mahimo likayan lang una ang pag-agi sa dapit.
Sa pagsugod sa pagtrabaho usa ka lane lang ang nagamit ug usahay ipatuman ang pagpaagi sa usa ka lane sa karsada paingon sa habagatan.
Nasayran nga adunay 200 metros ang gitas-on sa maong karsada nga giayo. — /BDB (BANAT NEWS)
- Latest