Plaza Rizal sa Lapu-Lapu gipanindot

CEBU, Philippines — Gitinguha ni Mayor Junard "Ahong" Chan ang pagpatahom sa Plaza Rizal sa Barangay Poblacion nga mahimong kasuroyan niining panahon sa ting-init. Si Chan nimando sa mga sakop sa Clean and Green sa siyudad sa pa-atiman sa Plaza Rizal sa pagtanggtang sa mga nangamatay nga mga tanom tungod sa hilabihang kainit sa panahon.

Ang Plaza Rizal maoy dapit sa Siyudad sa Lapu-Lapu nga kasuroyan human sa pagsimba  sa adlaw nga Domingo tungod kay nahimutang kini sa kilid nga bahin sa National Shrine  sa Birhen sa Regla ug duol usab sa merkado publiko.

Gimando usab ni Chan nga gawas sa paghulip  sa mga namatay nga tanom pintalan usab ang palibot nga makadugang sa kaanindot sa maong dapit. BDB BANAT NEWS