De los Santos maoy paluyohan ni Osmeña

CEBU, Philippines — Subling nagkahiusa ang Bando Osmeña Pundok Kauswagan (BOPK) pinangulohan ni kanhi mayor Tomas Osmeña nga paluyohan si city councilor Mary Ann delos Santos nga padaganon sa North District Representative of Cebu City.

Sa pamahayag ni Osmeña, direkta niining gitagak sa ilang lineup sa 2025 elections ang kaalyadong si kasamtangang  North Representative Cutie Del Mar, samtang subli sab niyang suportahan ang pagbalik og dagan sa South District ni kanhi kongresista Bebot Abellanosa.

We are consulting the group right now and the consensus is towards Mary Ann (Delos Santos), matud pang Osmeña  sa press conference sa Casino Espanol niadtong nakalabay nga adlawng Huwebes.

Gawas sa matud pa hiniusang tingog sa partido, gikan mismo sa baba ni Osmeña nga dili siya ganahan ni  Rep. Cutie Del Mar tungod kay dili kini pirmeng makita sa mga tawo.

I dont like Cutie because she doesnt visit..Mauwaw gyud ta sa mga tawo..you are a congresswoman and you do not visit?...The people deserves more, matud pang Osmeña.

Hinuon giklaro sa kanhi mayor nga dako kaayo kini og respeto sa amahan sa kongresista, nga si kanhi North District representative Raul Del Mar nga dugay na niyang kaalyado, apan dili siya kapasalig og samang pagtan-aw ngadto sa anak sa niini. I respect the father, Raul del Mar, its not Cutie del Mar& dako kaayog deperensya, dugang pa ni Osmeña.

Si Cutie del Mar nidagan sa distrito niadotng 2010 isip puli sa iyang amahan nga naa na sa ikatulo ug kataposang termino sa buhi pa kini. Nakadaog si Cutie batok sa pito ka mga kaatbang apil na niini si De Los Santos nga kaniadto dili pa sakop sa BOPK apan barangay kapitan kaniadto sa Lahug.

Sa pikas bahin, walay pagduhaduha nga nipabuhagay si Osmeña sa iyang suporta kang Abellanosa sa south district ug siya nagtuo nga dako gyud kini og tsansa nga makadaog.

Gipasabot ni Osmeña nganong dili niya gustong kuhaon isip kandidato sa pagka-mayor si Abellanosa, matud pa niya hinay sa Bebot sa North District dili sama kang konsehal Nestor Archival nga maoy iyang padaganon, matud niya, makatabang og dako si Abellanosa diha sa southy.

Hinuon, wala pay opisyal nga tubag si Archival sa imbitasyon ni Osmeña. Si Osmeña gusto nga modagan sa pagka bise mayor ka tandem ni Archival. Wala pa sab hinuon makompleto ang ilang lineup sa pagka konsehal.

Bahala nag walay line up..Important thing is Archival is the Mayor&The most important thing is the mayor..If he runs then I will run and make a difference ..If not, Im not going to waste my time,  dugang pang Osmeña. - The Freeman