Kapolisan sa Lapu-Lapu nipasiugda og outreach program
CEBU, Philippines — Gipasiugdahan sa kapolisan sa Lapu-Lapu-City Police Office (LCPO) ang Dialogue and Community Outreach Program ngadto sa mga residente sa kabarangayan.
Ang Tsip Tok Dialogue Community Outreach Program gipahigayon diha sa Lapu- Lapu City Sports Complex nga nahimutang sa Barangay Pusok, Dakbayan sa Lapu Lapu.
Niabot ngadto sa kapin sa 200 ka beneficiaries nga naggikan sa nagkalain-laing mga barangay sa Siyudad sa Lapu-Lapu ang nakapahimulos niini.
Si Police Lieutenant Christian Torres, pangulo sa City Investigation Detection and Management Bureau (CIDMB) ug tigpamaba sa LCPO nagkanayon nga tumong sa pagpakighinabi sa kapolisan sa mga molupyo mao ang paglig-on pa sa kaapolisan sa relasyon niini ngadto sa komunidad alang sa pagpatunhay sa kahapsay ug kalinaw .
Si Police Lieutenant Junnel Caadlawon, deputy chief for operation sa LCPO ang nangulo sa pagpahigayon sa programa.
Ang nahisgutang beneficiaries gi-edukar kini kabahin sa anti-sa terrorism, anti-illegal drug campaign ug kabahin sa Violence Against Women and Children (VAWC) ug gihatagan usab sila og food packs.
“As part of stepping ahead of promoting peace and order in the city, we will initiate numerous activities for a collaborative work on achieving our goals and mission", matud ni Caadlawon. BDB BANAT NEWS
- Latest
