16 kawani sa Lapu-Lapu ch positibo sa drugas

CEBU, Philippines — Nagpositibo  sa pagamit sa ilegal nga drugas  ang 16 gikan sa 77  nga kinatibuk-ang trabahante sa ihawan sa  Barangay Pusok, Siyudad sa Lapu-Lapu atol sa gihimong supresang drug test.

Ang executive  director sa City of Lapu-Lapu for  Substance Abuse Prevention CLOSAP) nga si Garry Lao mikompirmar niini human sa surprise drug test.

Si  Lao  miingon nga ilang gipahigayon ang surprise drug test  sa tanang  empleyado sa  City Hall nga nadestino  sa nagkanalainlain niining buhatan isip pagsanong sa kamandoan ni Mayor Junard "Ahong" Chan nunot sa tinguha niining pag-angkon sa Drug-Free Workplace sa maong dakbayan.

Si  Elena Caballes nga maoy nagsilbing panbgulo sa City Public Market samtang si Lemuel Delaben usab ang officer-in-charge   sa slaughter house sa maong dakbayan misanong sa maong kamandoa.

Natigayon ang  surprise drug test sa mga kawani  sa City Hospital,  mga kawani sa Barangay Ibo ug ingon man ang mga kawani sa Motorpool sa siyudad.

Gawas sa unom nga nagpositibo sa drug test  sa slaughterhouse, duha sa City Hopital ug tulo usab ang nagpositibo sa  Barangay  Ibo ug usa  usab sa Motorpool.

Si Chan mimando dayon sa pagtangtang gikan sa ilang trabaho sa mga kawani nga nagpositibo sa pagamit og ilegal nga drugas.