Tulo ka mayor top performers base sa survey sa RPMD

CEBU, Philippines — Si Mayor Gerald Anthony “Samsam” Gullas, Jr. sa Dakbayan sa Talisay ang top 1 sa gihimong survey sa RP-Mission and Development Foundation Inc. (RPMD).

Ang maong resulta sa survey adunay petsa niadtong Pebrero 3, 2024

Si Dr. Paul Martinez, direktor sa Global Affairs Analyst and Executive sa RPMD nitataw nga ilang gisukod ang trabaho sa mga mayor.

Ang “Boses ng Bayan Annual Performance Report” nag-surveys kini sa performances sa mga city mayor base sa administrative efficiency, policy implementation, public service delivery, community engagement, fiscal management, and innovation in governance.  .

Nasayran nga tulo ang nigawas nga numero uno nga mayor diin nag una mao si Mayor Junard “Ahong” Chan sa Dakbayan sa Lapu-Lapu nga nakakuha og 92.3 porsyento nga score.

Si Gullas ang numero uno usab diin nakakuha kini og 91.7 nga score ug gisundan sa laing numero uno nga performer nga si Mayor Jonas Cortes kinsa nakakuha og 91.4 porsyento nga score.

Si Gullas nipadayag sa iyang pagpasalamat ngadto sa kinatibuk-ang Talisaynon tungod kay ang iyang nakuha nga kalamposan dili matigayon kong wala ang mga tawo nga nitabang kaniya. — /BDB (BANAT NEWS)