4Ps beneficiaries gidid-an pagprenda sa ilang cash cards
CEBU, Philippines — Gipahimangnuan sa Department of Social Welfare and Development (DSWD), pinaagi sa Pantawid Pamilyang Pilipino Program’s (4Ps) National Program Management Office (NPMO), ang mga 4Ps beneficiaries nga hunongon na ang pag prenda sa ilang mga cash cards ngadto sa mga loan shark.
Suma pa ni Director Gemma Gabuya ang 4Ps Manager nga mahimong matangtang sa listahan sa mga beneficiaries ang masakpan nga naghimo niini.
“Nag-iispot check kami during the family development sessions na dapat dala nila ang ATM, dahil bawal yun. They can be delisted from the program,” suma pa ni Gabuya atol sa press conference.
Gipahinumduman usab ni Director Gabuya ang mga 4Ps beneficiaries nga kinahanglan mahimo silang model citizens nga motuman sa rules nga nalatid sa programa.
Kun mapakyas ang mga beneficiaries sa pagtuman niini sulod sa tulo ka warning mahimo na silang matangtang sa listahan kun masakpan nga nag prenda sa ilang mga cash cards.
“You have to take care of the resources of the government…ikaw dapat ang nag-momodel kung ano ang mukha ng programa,” dugang pa Gabuya.
Sa pagkakaron ang NPMO nihimo og mga rekomendasyon sa pag amender sa Republic Act No. 11310 o ang 4Ps Law pinaagi sa paglakip sa provisions nga maghatag og silot batok sa mga loan sharks ingon man sa nag prenda sa mga cash cards.
Ang 4Ps usa ka national poverty reduction strategy ug usa ka human capital investment program sa gobyerno sa Pilipinas nga maghatag og conditional cash transfer aron mo-arang arang ang kahimtang sa panglawas, nutrition, ug ingon man sa edukasyon sa kabataan nga nag edad og 18 anyos paubos. —PR/MEL (BANAT NEWS)
- Latest
