Mga enforcers gitambagan nga dili kaayo magbuwad sa init

CEBU, Philippines — Nitambag ang pangu sa City of Talisay-Traffic Operation Development Authority (CT-TODA) Jonathan Tumulak ngadto sa iyang mga sakop nga dili kaayo magpainit.

Si Tumulak niingon nga trabaho sa enforcer ang naa sa kadalanan apan sa sitwasyon nga grabe ang kainit magkinahanglan sab sila nga mopasilong.

Nagkanayon si Tumulak nga kun adunay higayon nga lahos-lahos ra ang mga sakyanan diha sa kadalanan ug way mga aberiya pahimuslan sab sa mga enforcer ang pagpalandong.

Apan kung gikinahanglan ang ilang presensya diha pa kini magpainit.

Matud pa ni Tumulak nga mas maayo nga adunay tubig pirme aron pangontra sa heat stroke.

Sa nasayran grabe ang nasinate nga kainit sa panahon karon ilabi na kay nagsugod na ang El Niño ug dugang pa niini nga ang pagbuwad og taas nga oras sa init makadaut sa panglawas. — /MEL (BANAT NEWS)