P500 nga parking fee giingong gipangayo sa may pier area

CEBU, Philippines — Miabot sa P500 ka pesos nga parking fee ang gipangayo sa mga tawo nga nagpaparking sa ilang lugar diha sa may Pier 2, siyudad sa Sugbo kagahapon sa hapon.

Nasayran nga ang Cebu City Traffic Office nisuspenso sa ilang pagclamp ubos sa kamanduan ni Cebu City mayor Michael Rama aron sa paghatag og kahigayonan sa kapistahan ni Sr. Sto. Niño.

Gitugot na ang pag-parking daplin sa karsada basta dili lang makabalda sa dagan sa trapiko.

Gipahimangnoan sab ang nanag-iya og luna nga nagpaparking nga di mopasulabi sa pagpangayo og parking fee.

Usa ka pamilyahan nga buot manimba sa Basilica Menore Del Santo Niño nagtuyok-tuyok sa dalan duol sa simbahan aron pagpangita og parking.

Nakaagi sila sa Pier 2 nga bahin ug adunay lalaki nga mitawag kanila aron sa pagpaparking.

Posible nga nagpuyo siya sa dapit kay diha man sa tungod sa naglumbay nga panimay niya gihatag ang lugar nga kaparkingan.

Apan ang kauban sa lalaki nga tigpaparking nisuna sa pamilya ug nibungat og P500 nga parking fee.

Ang buot moparking sa way pagduha-duha misibat gumikan sa kadako nga gipangayo nga parking fee. (BANAT NEWS)