PRO-7: Kooperasyon sa tanan nakatampo sa kalamposan sa fluvial procession 2024
CEBU, Philippines — Malinawon nga napahigayon ang fluvial procession sa Senyor Sto. Niño kagahapon diha sa Mactan Channel nga gisalmutan og kapin 200 ka mga klase-klaseng sakyanan sa dagat agi og pagyukbo sa Balaang Bata sa adlaw sa pangilin niini karong adlawa.
Sigon pa ni Police Regional Office (PRO)-7 Regional Director Brigadier General Anthony Aberin moabot sa kapin sa 200,000 ka mga tawo ang nitan-aw ug niapil sa fluvial procession sa Sagrada Familia nga gilangkuban sa Senior Sto. Niño, Our Lady of Guadalupe ug St Joseph the Laborer.
“Generally peaceful po yung mga nangyaring activitiesn because we have not receive any incidents that might have affected the ongoing celebration of Sinulog Festival,” matud ni Aberin.
Nasayran nga ang mga imahen gisakay sa M/V Martin 8 nga maoy nagsilbing galleon karong tuiga sa Fiesta Señor. Mibiya kini sa alas 6 sa buntag sa Captain Veloso Pier sa Naval Forces Central nga naka base sa Lapu-Lapu City.
Ang galleon uban ang kapin 200 ka mga barko mibiyahe sa Mactan Channel ug niagi ilawom sa Cebu-Cordova Link Expressway ug midunggo sa Pier sa alas 7:40 sa buntag kagahapon.
Gisunod dayon ang procession gikan sa Pier 1 paingon sa Basilica Minore del Sto. Niño diin ang reenactment sa first mass ug first baptism gipahigayon.
Sigon ni Aberin nga dako og tabang ang kooperasyon sa katawhan ilabi na ang suporta sa ubang law enforcement agencies ug force multipliers aron magmalampuson ang mga kalihukan nga gihimo may labot na sa kapistahan sa Balaang Bata Sr. Sto. Niiño.
“Ma-attribute natin ang successful celebration at saka yung peaceful celebration of course unang-una sa kooperayon po ng every member of the community at saka ‘yung pinagsamang efforts po ng ating kapulisan, Armed Forces of the Philippines, Coast Guard, Bureau of Fire at the same time po ‘yung mga volunteers groups natin lalo po ngayon napakarami nating estudyante na nag-volunteer to help keep the peace and we appreciate it, makikita niyo naman halos buong kalsada naka-deploy sila,” ni Aberin pa.
Karong adlawa mao na gyud ang Sinulog Festival, si Aberin nagpahinumdom sa publiko nga motan-aw sa kalihukan nga dili magdala og ginadili nga mga gamit.
Likayan sab nga magdala og dagko nga bag ug kun mahimo dili nalang pud dad-on ang mga gagmay nga mga bata kay basin og mawala unya maangol pa hinoon. (BANAT NEWS)
- Latest
