Pag-aspalto sa Pasil fish port hapit na mahuman
CEBU, Philippines — Gipaabot nga mas komportable na ang pagpaingon sa Pasil fish port gumikan kay hapit na mahuman ang pag aspalto sa karsada sa maong lugar.
Ang pag aspalto nagsugod niadtong Disyembre sa miaging tuig ug sa pagkakaron 95 porsyento na kini nga nakompleto.
Sa nasayran gihimo ang proyekto aron mahimong hapsay ug sayon sa mga mangomprahay ingon man sa mga mag deliver og isda ang pag-adto sa fish port.
Si market administrator Robert Barquilla sa pakighinabi sa The Freeman miingon nga sa pagkakaron gitrabaho na ang drainage system.
“Hapit na jud mahuman, Ang drainage system on going og naa lay area na e asphalt lang”, suma ni Barquilla.
Base sa iyang assessment, sa pagkakaron 90-95 percent nga nahuman ang proyekto.
Si Barquilla nangita og mga paagi aron mapalambo ang Pasil fishport human gisirado ang Bagsakan diha sa South Road Properties SRP. — /MEL (BANAT NEWS)
- Latest
