Imahen sa Senyor Sto. Niño isuroy sa mga tambalanan ug prisohan
CEBU, Philippines — Gisugdan na kagahapon adlawa Enero 4 ngadto na sa 10 ang Pre-Fiesta Activities nga mga kalihukan subay sa ika-459th Fiesta Señor uban sa tema nga Sto. Niño: Magnet of Love in Synodal Church.
Ang pre-fiesta activities naglangkob sa visitation sa Pilgrim Image sa Balaan nga Bata ngadto sa mga penitentiary centers ug mga tambalanan.
Kagahapon Enero 4 gipahigayon ang ang sendoff sa Basilica Minore del Sto. Niño de Cebu, dayon gidala ngadto sa Cebu South Medical Center, ug gisunod pagka hapon ngadto sa Talisay City Jail.
Karong adlawa, ang imahen dalhon sa Chong Hospital sa Mandaue ngadto na sa Mandaue City Jail ug sa hapon ngadto sa AMOSUP Seamen’s Hospital Cebu.
Sa adlaw nga Sabado dalhon kini ngadto sa Cebu City Operation Second Chance Center; Cebu City Jail-Female Dormitory ug dayon ngadto sa Cebu City Jail-Male Dormitory.
Sa adlaw nga Domingo ang imahe dalhon sa Cebu City Medical Center, Vicente Sotto Memorial Medical Center ug Chong Hua Hospital-Main.
Sa Enero 8 adto nasab kini sa Cebu Doctor’s University Hospital og Perpetual Succour Hospital.
Sa adlaw nga Martes dalhon kini sa Cebu Velez General Hospital ug sa Our Mother of Perpetual Help Parish-Redemptorist Church hangtod nga kini mobalik sa Basilica Minore del Sto. Niño. — IBM (BANATNEWS)
- Latest
