Mga PDL sa Mandaue City Jail gihatagan og special visitation
CEBU, Philippines — Gihatagan og kahigayonan nga makig-uban sa ilang pamilya ang mga Persons Deprived of Liberty sa Male Dormitory sa Mandaue City Jail karong panahon sa Pasko ug Bag-ong Tuig.
Nunot usab kini sa gihatag nga pagtugot sa mga nagdumala sa Bureau of jail Management and Penology sa Siyudad sa Mandaue (BJMP) nga mao ang paghatag og special visitation sa maong adlaw. Si Atty Jonathan Baltar, jail superintendent sa Mandaue City jail, miingon nga bisan kon wala malakip ang adlaw nga Domingo sa mga adlaw nga pagbisita apan tungod kay Pasko man ug Bag-ong Tuig ilang gitugot ang pagbisita sa Disyembre 24 ug 25 ingon man usab sa Disyembre 31, 2023 ug Enero 1, 2024.
Dugang pa ni Atty Baltar nga sa maong adlaw nga special visitation ilang gibahin sa buntag ug lain usab sa hapon Sa nasayran ang Male Dormitory sa Mandaue City Jail dunay kapin sa 1,500 ka PDL.
Dugang pa ni Baltar nga gitan-aw usab nila ang kabanay sa mga PDL's nga dili gayod makahigayon sa pagbisita sa maong adlaw tungod sa kaapiki sa oras o salapi maoy ilang gihimo ang pagpasiugda og electronic visitation o e-dalaw. (BANAT NEWS)
- Latest