Duha ka skywalk sa Osme a Boulevard gub-on na
CEBU, Philippines — Gikatakdang gub-on na ang duha ka skywalk nga maagian sa Bus Rapid Transit kun BRT sa may Osme a Boulevard sa Dakbayan sa Sugbo.
Ang maong pagguba ipatuman karong Disyembre 7- 8, 2023 aron makapadayon na ang BRT project nga target untang mahuman karong buwana apan gilugwayan kini hangtud sa sunod tuig Enero 15, 2024.
Ang pagpangguba sa skywalk molanat og napulo ka adlaw lakip na ang pagpahigayon sa clearing operation niini.
Subay niini adunay mahitabo nga pagsira sa karsada sa maong dapit diin nahimutang ang duha ka mga skywalk, sumala pa ni Konsehal Jerry Guardo ang chairman sa Infrastructure committee sa siyudad sa Sugbo.
Hinuoon dili dunganon ang pagguba sa nahisgutang mga skywalk aron dili usab dungan nga masirhan ang mga karsada.
"Gi recommend sya for total closure for every skywalk and then we don't really want inconvenient the riding public ba especially karon nga mag pasko na then mag New Year, lisod kaayo," suma ni Guardo. (BANAT NEWS)
- Latest
