Palma: Ang panahon sa Pasko dili lang lipay-lipay

CEBU, Philippines — Pipila ka adlaw na lang ang pasko diin kagahapon ang unang Domingo sa Adbento kinsa si Cebu Archbishop Jose Palma nagkanayon nga ang maong panahon dili lang sa lingaw-lingaw apan pagpasalamat sa Ginoo.

“Salamat sa Diyos, diin sa panaw sa pagtuo sa liturhiya humana ang ordinary years ug naa na kita sugod sa panahon sa Adbento diin nagpasabot nga ang pag-abot ni Kristo”, matud ni Palma.

Si Palma nagkanayon nga sa Adbento gipamalandongan ang unang pag-abot diin nagpakita sa paghigugma sa Diyos kanatong tanan, gipadala ang iyang anak aron sa pag-abot ni Kristo nga mailhan ang Ginoo sa iyang dako nga gugma.

Ang panahon sa pasko dili lang lipay-lipay, reunion ug kaon-kaon unta sa spiritual nga pagtan-aw pamaagi kini aron mabag-o ang pagpasalamat sa Diyos nga sa iyang kaayo bisan sa taliwala sa mga pagsulay salig kita nga ang Diyos Emmanuel uban sa tanang katawhan ug wala kini magpabaya hinungdan padayon gihapon ang pagsalig tungod kay dili kini mobiya.

Matud ni Palma nga niining panahon sa pasko padayon gihapon sa paghigugma sa dios ug padayonon usab ang tradisyon nga Misa de Gallo tungod kay wala kini sa laing dapit ug kinahanglan ang gamay nga sakripisyo.

Giawhag ni Palma ang katawhan nga niining panahon sa pasko dili lang ang ilang kaugalingon ang tan-awon apan ang pagpaambit usab sa ilang mga grasya ngadto sa uban ilabi na sa mas labing nanginahanglan.

Atol sa unang adlaw sa Domingo sa Adbento gipasigahan ang advent wreath human kini gibendisyonan. — /BDB (BANAT NEWS)