PPP gibida sa Kapitolyo atol sa investment promotion conference
CEBU, Philippines — Giduso ni Cebu governor Gwen Garcia ang daghan pa nga public-private partnerships uban sa mga miyembro sa Chinese Enterprise Philippines Association.
Atol sa investment promotion conference sa usa sa mga hotel sa Sugbo si Garcia gibida ang usa sa malampuson nga PPP tali sa Probinsya sa Sugbo ug sa developer nga Filinvest Land Inc.
Ang Filinvest Cyberzone Cebu, usa ka four-tower BPO Complex nga anaa nahimutang sa 1.2 sa ektarya nga luna sa Kapitolyo sa Cebu IT Park.
Ang maong complex ubos kini sa Build-Transfer-Operate kasabutan kon diin ang Filinvest maoy magtukod sa mga tower ug iturn-over kini ngadto sa Kapitolyo. Ang Capitol sa bahin niini mo grant sa Filinvest nga maoy mooperate sa maong complex sulod sa 25 ka tuig.
“I decided to define government not as a charitable institution for which those with ayuda mentality would constantly be looking up to,” matud ni Garcia.
“I define government this way: government is an enterprise, and enterprise demands efficiency. Efficiency translates to quality service, and quality service redounds to the benefit of all,” dugang sa gobernador.
Ang CEPA, usa ka asosasyon sa mga Chinese businessmen sa Pilipinas nga nagpahigayon og investment forum sa Sugbo niadtong Nobiyembre 23, 2023. (BANAT NEWS)
- Latest
