Pekeng kwarta gibantayan

CEBU, Philippines —  Nagpahimangno ang Cebu City Police Office sa publiko mahitungod niining mga peke nga kwarta ilabi na karon nga nagkaduol na ang Pasko ug Bag-ong Tuig nga sagad manggawas aning mga panahona.

Nagpahimangno ang kapulisan sa publiko ilabi na sa mga tindahan ug sa mga dapit nga dugukan og daghang tawo nga hinumduman kanunay ang timaihan nga ang kwarta nga gibayad tinuod ba o peke.

Sagad matud pa sa gamiton sa mga mangingilad kining P1000 bills ug usa sa mga pamaagi aron mahibaw-an kun ang kwarta tinuod o peke mao nga markings niini naka-emboss, kining watermarks, ug ang picture sa tulo ka tawo naa sa kwarta kun tan-awon paibabaw nga direksiyon mosihag ug kun kumoton kay mokang-a ang kwarta.

Hinoon, matud ni Police Lt. Col. Janette Rafter, Deputy City Director for Operations ug tigpamaba sa Cebu City Police Office nga makig-alayon Bangko Sentral ng Pilipinas alang sa mga tips nga makatabang nga mailhan ang peke ug tinood nga kwarta.

Motabang ang kapulisan sa paghatag og tips katawhan ilabi na sa mga commercial areas  aron walay mabiktima niining peke kwarta. — IBM (BANATNEWS)